ብዛዕባና

ናይ ኤርትራ ኦርቶዶክስ ተዋህዶ ቤተ ክርስቲያን – Georgis Gemeinde Berlin e.V.

ናይ ኤርትራ ኦርቶዶክሳዊት ተዋህዶ ቤተ ክርስቲያን ናይ ምብራቓዊ ኦርቶዶክሳዊ ትውፊት ዝሓዘት ኮይና ኣብ ዓለም ካብ ዘለዋ ጥንታውያን ኣብያተ ክርስቲያናት ክርስትና ሓንቲ እያ። ሱሩ ድማ ናብ መጀመርታ ክርስትና ይምለስ።

ናይ ኣምልኾ ቦታና ብዓቢ ክብሪ እዩ ዝእቶ። ኣመንቲ ቅድሚ ምእታዎም ጫማኦም ኣውጺኦም ንቅድስና ናይዚ ቦታ ኣፍልጦ ይህቡ። ንክርስቶስን ቅዱሳንን ኣብ ታሪኽ እምነትና ኣገደስቲ ሰባትን ዘዘኻኹርና ኣሳእል ኣለዉ።

ኦርቶዶክሳዊት ተዋህዶ ቤተ ክርስቲያን ኤርትራ፡ ንሃይማኖታዊ ሕይወት ኣባላታ ብዓቢኡ ዝቐርጹ ሸውዓተ ምሥጢራት ኣፍልጦ ትህብ፡ ምስጢረ ጥምቀት፡ ምስጢረ ሜሮን፡ ምስጢረ ቁርባን፡ ምስጢረ ንስሓ፡ ምስጢረ ቀንዲል፡ ምስጢረ ተክሊል፡ ምስጢረ ክህነት።

መጽሓፍ ቅዱሳዊ ቀኖናና 81 መጻሕፍቲ ዘጠቓልል ኮይኑ፡ ከም መጽሓፍ ሄኖክ ዘካተት እዩ።

ማሕበርና

ቤተ ክርስትያን ቅዱስ ጊዮርጊስ በርሊን ኣብ 2015 ብኤርትራውያን ክርስትያን ስደተኛታት ዝተመስረተት ኮይና ክሳብ 2017 ኣብ ዝተፈላለያ ቦታ ጉባኤታት ኣገልግሎት ኣካይዳ። ካብ 2018 ጀሚርና ኣብ በርሊን-ዘህለንዶርፍ ኣብ ዝርከብ ክፍልታት ቤተ ክርስትያን ጳውሎስ ሰሙናዊ ጉባኤ ኣገልግሎትና ነብዕል ኣለና። ሎሚ ዳርጋ 500 ኣባላት - ህጻናት፡ መንእሰያት፡ ዓበይትን - ኣባላት ኣለውና።

ኣገልግሎትና

ኣገልግሎትና ኩሉ ግዜ ሰንበት ንጉሆ ካብ ሰዓት 6:00 ክሳብ 11:00 ይካየድ። ድሌታት እታ እናዓበየት እትኸይድ ዘላ ማሕበርና ንምምላእ እቲ ናይ ኣምልኾ ኣገልግሎታት ኣብ ክልተ ዝተመደበ ኢዩ።

• ኣገልግሎት ስድራቤት (ኣብ ነፍሲ ወከፍ ክልተ ሰሙን)፦ ኣብዛ ሰንበት እዚኣ፡ ወለዲ ምስ ደቆም ይመጹ። ኣብ ሓሙሽተ ጉጅለታት ዝተመደቡ ካብ 120 ክሳብ 160 ዝኾኑ ቆልዑ ክሳብ ሰዓት 9:00 ጸሎትን መዝሙርን ይመሃሩ፣ በዚ ድማ ናይ ቋንቋ፣ ናይ ባህልን ሃይማኖትን መንነቶም የጠንክሩ።
• ኣገልግሎት ንዓበይቲ (ኣብ ነፍሲ ወከፍ ክልተ ሰሙን)፦ ኣብዚ ቅዳሴ ምስ መንእሰያትን ዓበይትን ጥራይ ኢና ነብዕል። ድሕሪ እቲ ኣገልግሎት ቡንን ሻሂን ዝሓዘ ክፉት ናይ ዘተ መድረኽ ኣሎ።
• ቅዳሴ ብግዕዝን ትግርኛን ኢዩ ዝካየድ። ኣብ ስክሪን ንጀርመንኛ ዝዛረቡ ኣጋይሽ ዝኸውን ትርጉም ኣሎ።

ማሕበረሰባዊ ስራሕን ጉስነትን።

ንኣባላትና ኣብ ሰንበት ጥራይ ዘይኮነ፡ ኣብ ሰሙን እውን፡ ኣብ ዝተፈላለየ መዳያት ህይወት ነሰንዮም።

• ዓርቢ ድሕሪ ቀትሪ፡
  ካብ 6 ክሳብ 12 ዓመት ዝዕድሚኦም ቆልዑ ሰሙናዊ ትምህርቲ ቋንቋን መዝሙርን ብቋንቋ ብትግርኛ (ንሰለስተ ጉጅለታት ህጻናት፡ ብኢንተርነት ይወሃብ)።
• ሰኑይ፣ ረቡዕን ዓርብን (ድሕሪ ቀትሪ)፦
  ኣብ ሰሙን ሰለስተ ግዜ ትምህርቲ ቋንቋ፣ መጽሓፍ ቅዱስን መዝሙርን ካብ 13 ክሳብ 17 ዓመት ዝዕድሚኦም መንእሰያት ብቋንቋ ብትግርኛ ብኢንተርነት ይወሃብ።
• ሰኑይ፣ ረቡዕን ዓርብን (ድሕሪ ቀትሪ)፦
  ትምህርቲ መጽሓፍ ቅዱስን መዝሙርን ብቋንቋ ትግርኛ ኣብ ሰሙን ሰለስተ ግዜ፣ ንልዕሊ 18 ዓመት ንዝዕድሚኦም መንእሰያትን ዓበይትን ብቋንቋ ብትግርኛ ብኢንተርነት ይወሃብ።
• ቀዳም፦
  ክልተ ሰሙናዊ ኮርሳት ኣብ ማእከል ማሕበረሰብ ፓውሉስ: ንቆልዑን መንእሰያትን ካብ 6 ክሳብ 17 ዓመት ዝዕድሚኦም (ብሰለስተ ጉጅለ ህጻናት) ከምኡ’ውን ንዓበይቲ ልዕሊ 18 ዓመት ዝዕድሚኦም ይወሃብ።
• ቀዳመይቲ ቀዳም ናይ ነፍሲ ወከፍ ወርሒ:
  ናይ ጸሎትን ሓባራዊ ዘተን ንስድራቤታት ብፍላይ ድማ ንናይ ጥዕና ጸገም ዘለዎም ቆልዑ (ንኣብነት ኦቲዝም) ከምኡ’ውን ኣብ ከቢድ ናይ ህይወት ኩነታት ንዝርከቡ ዓበይቲ።
• ምኽርን ዘተን ኣብ ማሕበራውን መንፈሳውን ህይወት፡
  ውልቃውን ጉጅላውን ምኽክር ንመንእሰያትን ስድራቤታትን – ካብ ሰሉስ ክሳብ ቀዳም ኣብ ቤት ጽሕፈት (Teltower Damm 4, 14169 Berlin - Zehlendorf) ወይ ብቆጸራ ምብጻሕ ኣብ ገዛ ዓማዊል።
• ጉጅለ ጉስነትና
  ክልተ ካህናት፣ ሓደ መርጌታ (መምህር ኣገልግሎት) ፣ ዓሰርተ ዲያቆናት ዝሓቖፈ እዩ። እቲ ናይ ቤተ ክርስትያና ሰበካ ጉባኤ ብሓሙሽተ ወለንተኛታት ኣባላት ዝምራሕ እዩ።

ኩሎም እቶም ንጥፈታትና ብካህን ህዝቅኤል ተሰንዮም ይካየዱ።

ቤት ትምህርቲ ሰንበትና

ቤት ትምህርቲ ሰንበት ማእከላይ ክፋል ናይ ኤርትራ ኦርቶዶክሳዊት ቤተ ክርስቲያን እዩ። ኣብዚ ቈልዑን መንእሰያትን ብዛዕባ እምነት ክርስትና፡ መጽሓፍ ቅዱሳዊ ዛንታታት፡ ጸሎት፡ መዝሙርን ትውፊት ቤተ ክርስቲያንን ይመሃሩ። ከምኡ ብምግባሮም ብእምነት ጥራይ ዘይኮነስ ብቋንቋን ባህልን እውን ይዓብዩ፣ ንቤተ ክርስቲያን ድማ ከም ቦታ ማሕበረሰብን ውሕስነትን ይለምድዋ።

መንእሰያትና ኣብ ሕብረተሰባዊ ሕይወት ብንጥፈት ይሳተፉ:
ኣብ ምጽራይ ቤተ ክርስቲያን: መግቢ ኣብ ምድላው: ከምኡውን ኣብ ምእላይ ህጻናት ይሕግዙ። በዚ መንገዲ ድማ ኣብ ንኡስ ዕድሚኦም ሓላፍነት ወሲዶም ንህይወት እቲ ሕብረተሰብ ብንጥፈት ይቐርጹ።

በዓላትን ጽንብላትን

ቀንዲ በዓላትን ጽንብላትን ኦርቶዶክሳዊት ተዋህዶ ቤተ ክርስቲያን ኤርትራ፣

• ሓዱሽ ዓመት በዓል ቅዱስ ዮሐንስ (ብመሰረት ኣቆጻጽራ ጎርጎርዮስ)። 11 ን 12 መስከረም


• በዓል ልደት። (6 ን 7 ጥሪ)


• በዓል ጥምቀት (ኤጲፋንያ)። (19 ወይ 20 ጥሪ)


• በዓል ሆሳዕና። ኣብ መንጎ 19 መጋቢትን 23 ሚያዝያ።


• በዓል ትንሳኤ። (ኣብ መንጎ 26 መጋቢትን 30 ሚያዝያን)


• በዓል ዕርገት። ኣብ መንጎ 5 ግንቦትን 9 ሰነ።


• ጴንጠቆስጠ/ጰራቅሊጦስ (በዓል መንፈስ ቅዱስ)። (ኣብ መንጎ 15 ግንቦትን 19 ሰነን)


• በዓል መስቀልን (ዳሜራን)። (27 ወይ 28 መከረም)

ፕሮጀክትና

ቆመስ (QOMES) – ንቆልዑ፣ ንመንእሰያትን ስድራቤታትን።

ብፕሮጀክት ቆመስ ኣብ ማሕበረሰብና ንዝርከቡ ቆልዑ፡ መንእሰያትን ስድራቤታትን ብቋንቋ፣ ብባህሊ፣ ብማሕበራውን ብእምነትን ነሐይል።

ቅድመ-ምድላዋትና፣

• ትምህርቲ ቋንቋ ትግርኛን መዝሙርን ንቆልዑ።
• ሃይማኖታዊ ስራሕ ምስ ቆልዑን መንእሰያትን።
• ናይ ርክብን ሓባራዊ ዘተን ንመንእሰያትን ስድራቤታትን።
• ምኽርን ደገፍን ኣብ ዕለታዊ ማሕበራዊ ህይወት ንመንእሰያትን ስድራቤታትን።
• ምድጋፍ ንፍሉይ ብድሆታት ዘለዎም መንእሰያትን ስድራቤታትን።

ናይ ቆመስ ኣቕርቦትን ንጥፈታትን ንኣባላት ማሕበረሰብና ጥራይ ዝዓለመ ዘይኮነስ ንኹሉ ክፉት እዩ።

ቆመስ – ብ milaa gGmbH ይድገፍ